Brou Bier By- Die Huis En Maak Geld

beerbottGemmerbier is nie eintlik ’n wafferse sterk drank nie, maar dit bevat nietemin sy kwota alkohol net soos ander biere. Waar die alhokol uit gisting dus in die bakkerybedryf deur hitte uit die baksels verdamp, word dit in die brou van gegiste dranke juis bewaar.Die geheim van enige soort bier is in die gis-ekstrak wat toegepas word.

Dit is dieselfde met bier, wyn, kaas of ander soorte huishoudelike biere. Die finale produk hang van die suiwerheid van die gissing proses. Die soort gis wat vir Engelse bier (“ale”) gebruik word, is dieselfde Saccharomyces cerevisiae wat die bakkers gebruik. Die gis vir lager bier is Saccharomyces uvarum. Die gis wat vir Engelse biere aangewend word, werk teen nagenoeg kamertemperatuur, fermenteer gou en sorg vir die “vrugtige” eienskap van die meeste van hierdie soort biere. Lager-gis werk weer teen koue temperature, fermenteer stadiger en sorg vir die skoon smaak van ’n lager.

BB-23 pdf
Binne hierdie twee tipes gis is daar natuurlik egter honderde verskillende variante wat onderling verskil (net soos die bloed- lyne van byvoorbeeld ’n poedel en ’n worshond verskil, of skoon altwee onteenseglik volbloed-honde is.)

Gistingsprosesse in wyn is weer ’n hele ander verhaal – en van groot belang vir ons Kaapse wynlande met hul geweldige potensiaal. (Suid-Afrika was immers teen die jongste eeuwisseling reeds die agtste grootste wynprodusent ter wêreld.) Enologie of wynkunde is ’n uitgebreide vak op sigself. Die fermentasie van wyn word van nature aangestig deur gisstowwe wat in die wingerde aanwesig is.

Baie wynmakers gebruik nog sulke natuurlike gis, maar daar is ook baie ander wat van moderne metodes van gis-kweking gebruik maak. Die borrels in vonkelwyn is koolsuurgas wat daarin vasgevang is – die gevolg van gis-selle in die druiwesap. Een gis-sel kan nagenoeg sy eie gewig glukose in ’n uur fermenteer.

Maar gis het meer nut as net om brood te laat rys of die skop in die dop te sit. Dit word byvoorbeeld dikwels as vitamienbyvoeging gebruik omdat dit vyftig persent proteïen en ’n ryk bron van onder meer B-vitamiene is.Hoewel kaas in die reël verkry word deur die gisting van melk as gevolg melksuurbakterieë en nie van gisswamme nie, speel swamme tog ’n rol in sekere rypgemaakte kase.

En, om nou maar te eindig met ’n handelsnaam: daardie flessie Marmite met die ryk smeersel wat ’n toebroodjie soveel lekker laat smaak, is niks anders as gis-ekstrak wat reeds in 1902 vir die eerste keer in Engeland kommersieël geproduseer is nie. Gis… watter bruisende onderwerp is dit nie! Aangeheg hierbo is ‘n huislike resep vir pynappel bier wat kan gebruik word om te vermaak en beïndruk, of om te verkoop.