Die oorleweringsmeganisme van nederigheid in die werksplek

wolf-of-wall-street-minimum-salary

Dinge kan altyd moeilik raak in die werksplek. Verskillende mense, van verskillende kulture en rasse, vanuit verskillende gelowe, met ‘n verskil in politieke uitkyk, en boonop dit het elke een sy eie persoonlikheid, temperament en opinie op alles. Klink meer na die bestanddele van ‘n bom wat enige oomblik gaan ontplof met die ge- dagte dat dit net n kwessie van tyd is, is dit nie?

Nou moet jy ook die gedagte versoen met die feit dat in party bedrywe is stres en ontsettende druk deel van ‘n gewone dag op kantoor. Neem dit ook in ag dat in sekere sektore, dat elkeen daagliks met sy mede kollegas moet letterlik ten bloede baklei om hulle werk eenvoudig gedoen te kry. Want in hiérdie sektore is dit ‘n ketting reaksie soos in ‘n fabriek – as een nie sy pligte nakom is daar eenvoudig net nie ‘n produk vir die volgende persoon om op te werk nie en sodeur loop almal die wenstreep mis. Dit is belangrik om jou plek te kan in enige bedryf. Jy moet eerbiedig wees en respek betoon vir jou medewerkers en veral jou baas.

Maar, in werklikheid soos die Bybel sê ‘ ‘n sagte woord keer die grimmigheid af.’ Die goue sleutel is nederigheid. Almal is tog bekend met die Suid-Afrikaanse Raad vir Geesteswtenskappe (RGN). Die vrou te midde al daardie professore en doktors, wat deskundiges in hulle veld is, is die mees intelligente vrou in die hele instansie (sy sou graag nie genoem wil word nie). Met ‘n PhD in didaktiek en ook dan ‘n geakkrediteerde nagraadse wiskundige, is sy die nederigste en mees saggesproke persoon wat grootliks gerespekteerde gesag outomaties afdwing. Sy sê min, maar as sy iets sê luister almal aandagtig. Sy kon met gemak die ‘CEO’ word, maar beperk haarself in alle nederigheid tot haar eie departement.

Nederigheid is ‘n juweel in die werksplek. Dit is uiters belangrik om met almal ten alle tye nederig en beleefd te wees al is almal se houding nie dieselfde teenoor jou nie.
Dit sal vir jou tel by die bestuur en jou kollegas. Jy wen so die respek van almal en jy kan dan verseker wees van geen vyandskap in die werksplek. Nederigheid ten spyte van sukses
is vlak waarop die ware gees van binne beweeg. ‘Die wat op die aarde verneder word sal in die hemel ver- hewe word,’ se die geskrewe Woord ook verder. Trots, hoogmoed, arrogansie, en ‘n ‘ek is beter as julle’ houding kom altyd net voor die val. So, volgende keer as jy voel jou ego word in die werksplek ge- kwes, onthou hierdie lewenslesse en veg die oorlog op die regte manier en dit met nederigheid, ingetoënheid en wetend dat al lyk jy vertrap deur ander, stap jy die wenner uit en jou lewe sal daardie sukses van binne na buite weerspieël.