Gepasteuriseerde melk of nie? Wat is die beste opsie?

RAw-Milk

Melk en melkprodukte verskaf baie noodsaaklike voedingstowwe wat ons liggame nodig het. Ongelukkig berg rou melk gevaarlike mikro-organismes wat ‘n gevaar vir jou en jou familie kan inhou. Volgens ‘n ontleding deur die CDC (Centre of Disease Control), tussen 1993 en 2006, het meer as 1500 mense siek geraak a.g.v die rou melk wat hulle gedrink het asook die produkte wat van rou melk gemaak is.

Die CDC verneem dat ongepasteuriseerde melk 150 keer meer geneig is om voedselverwante siektes te veroorsaak as gepasteuriseerde melk. Die rou ongepasteuriseerde melk huisves gevaarlike bakterieë naamlik Salmonella, E. coli en Listeria wat bekend is daarvoor om voedselverwante siektes te veroorsaak.

Pasteurisasie is die proses waardeur skadelike bakterieë doodgemaak word deur die melk te verhit tot ‘n sekere temperatuur. Die proses haal nie die voedingswaarde uit die melk uit nie. Terwyl pasteurisasie die veiliger opsie is, is daar nogsteeds mense wat glo dat die rou melk beter vir ‘n mens is. Terwyl die meeste gesonde mense sal herstel van ‘n siekte wat veroorsaak word deur skadelike bakterieë in rou melk – of in kos gemaak met rou melk – kan daar met tyd chroniese, ernstige of lewensgevaarlike simptome ontwikkel. Swanger vroue loop ‘n ernstige risiko om siek te word as hulle rou melk inneem. Die bakterie Listeria veroorsaak miskrame, fetale dood, siekte of dood van ‘n pasgebore baba.

Tog het albei vorms van melk goeie voedingstowwe. Een persent van die wêreld se populasie gebruik rou melk in plaas van gepasteuriseerde melk. As ons logies na beide rou melk en gepasteuriseerde melk kyk bevat dit soortgelyke voedingsware vir komponente wat jou liggaam bevoordeel. Jy kry soortgelyke volumes voeding van beide rou en gepasteuriseerde melk. Die keuse lê by jou as jy rou of gepasteuriseerde melk wil drink. Jy moet net besef dat as jy rou melk drink daar ‘n risiko van gesondheidsprobleme kan wees.