Joe Foster ‘n dag in ‘n Boer se skoene

IMG-20160728-WA0002

Op die Hoërskool Wagpos se plaas waar die fotosessie gehou is, het Joe Foster homself gate uit geniet. Was dit nie waar hy probeer om vriende te maak met ‘n kalfie nie dan het hy probeer hooi skep met ‘n vurk. Tussen die melkkoeie het Joe spesiaal moeite gedoen met sy kleredrag om in te pas by die plaasfotosessie.

Hoor jy die naam Joe Foster dan dink jy dadelik aan die liedjies “Pad na jou hart” en “Mona Lisa”, maar daar is soveel meer aan hierdie liedjieskrywer en sanger as net mooi woorde en goeie mus- iek. Joe is ‘n man met ‘n groot hart wat oral waar hy homself bevind ‘n verskil wil maak. Om ander mense te help is een van sy grootste doelwitte in die lewe. Joe en sy goeie vriend en mede kunstenaar, Johan C Venter, het onlangs ‘n duet saam vrygestel wat behoorlik opslae maak. Joe het met Blink Boer gesels om meer van homself te vertel.

Jy het saam met Johan C Venter ‘n duet gedoen met die naam “Hoe moes ek weet”. As jy weer ‘n duet saam met iemand doen, wie sal dit wees?

Dit sal definitief saam met Nianell wees. Ons was saam op toer in Australië en ons het ‘n goeie konneksie gehad. ‘n Konneksie wat nodig is om goeie musiek te maak. Sy is iemand wat jou op jou gemak maak.

Was musiek nog altyd jou passie? Wou jy as kind nie iets anders gedoen het nie? Wat as jy vals gesing het?

Ek het op agt jaar al klavier begin speel en op die ouderdom van dertien het ek besef dat ek musiek wil maak. As ek nie kon sing nie sou ek definitief iets kreatiefs gedoen het soos grafiese ontwerp of om ‘n fotograaf te wees.

Wat is die snaakste of verbasendste ding wat iemand al by jou optredes gedoen het?

Ek sal nie sê dat daar al iets buitenge- woon gebeur het nie. Wat ek wel baie kry is dat ek op snaakse plekke op mense se liggame moet teken. Ek moes al een keer op iemand se boud teken.

Het jy sekere gewoontes wat jy voor en na ‘n vertoning doen?

Voor die tyd loop ek baie op en af en dink aan alles wat ek gaan sê. Na die tyd het ek so baie adrenalien en moet ek iets doen om ontslae te raak daarvan.

Is daar al ‘n nuwe album in die pyplyn?
Op die oomblik het ek baie ander projekte waarmee ek besig is. Ek wil meer duette doen en ‘n gospelalbum uitbring, maar binne die volgende jaar en ‘n half sal daar ‘n nuwe album wees.

Wat is die betekenis van die tattoo op jou rug?

Op skool was ek baie geboelie en Jesus was nog altyd die enigste een wat my kon oordeel en nie ander mense nie. Almal het die reg tot ‘n opinie, maar die tattoo is ‘n bewys dat niemand behalwe God se opinie vir my saak maak nie.

As jy hoor “Brits, Noord-Wes” wat dink jy?

Ek dink eerste aan Hartbeespoortdam. Het nog nooit iets sleg van Brits gehoor nie en die omgewing, veral die berge, is vir my baie mooi.

Vir Joe voel dit of al sy drome al waar geword het en nog steeds het hy so baie drome wat hy aan werk om dit te bewaarheid. Hy wil sy roeping tot die beste van sy vermoë uitleef.
Joe is nog steeds enkellopend, maar wees gerus, want hierdie hartebreker is nog opsoek na sy droomvrou.
En die plaaslewe?
“Ek kan myself sien as ‘n boer. Sal dit elke dag wil doen.” het hy laggend vertel.

Baie dankie aan Beeetroot @ Santai, Die Hoërskool Wagpos en Maryke Fotografie vir julle bydrae in die dag se verrigtinge.