‘n Gesellige Veiling By M&M Auctions

auction-pritchards-cabinet-of-curiosities

Vir drie jaar lank het M&M Autions veilings gehou langs die Thabazimbi Pad. Nou is hulle vir drie maande al op hulle eie perseel in die JR Trust Sentrum. Die veilings word nou elke Saterdag voor die winkel gehou. Hulle koop nie aan nie, hulle verkoop net vir hulle kliënte. Die goed wat nie op Saterdae verkoop word nie bly in die winkel en sal hulle dit daar vir die persoon verkoop. Daar word geen ekstra fooi gevra by die veilings nie.

Daar is ook geen registrasie fooi nie en jy kry jou geld nog dieselfde dag. Hulle beste veiling tot dus ver was op die 16de Desember 2014. Dit was ‘n reënerige dag en dit was
‘n groot sukses. Die mense het met hulle sambrele en reënjasse in die reën gestaan en veiling gehou. Die weer het niemand af- geskrik nie. M&M Auctions doen gemeenskaps veilings, plaasopruimings en likwidasie veilings.

Daar word ook goeie kwaliteit tweede handse klere verkoop teen bekostigbare pryse. Die klere word ook ingevoer. “Die vreemdste versoek wat ons al gehad het was ‘n kliënt wat ingekom het en gevra het vir tweede handse onderklere.” sê Melissa, ‘n mede eienaar. Jy kan gerus al jou Revlon, Elmay en Charlie grimering by M&M Auctions koop. Hulle pryse is spotgoedkoop! Veilings word op so ‘n manier gedoen dat oud en jonk, Afrikaans en Engels sprekendes dit sal verstaan. Jy sal nie onkant gevang word nie.

Hulle vertel dat hulle plekkie ‘n lekker kuierplek is. Kliënte kom altyd terug en dan wil hulle eers ‘n koffie of twee drink voor hulle weer ry. Daar is altyd ‘n lekker atmosfeer. Het jy dalk iets waarna jy opsoek is? Maak ‘n draai by M&M Auctions. As hulle nie die item het waarna jy soek nie dan sal hulle dadelik begin rondbel en die item vir jou soek todat hulle hom kry. Goeie diens en ‘n vriendelike glimlag is wat jy dadelik ontvang die oomblik as jy by hulle deure instap.